تقييم هذا المقال 5 : ممتاز 4 : جيد 3 : متوسط 2 : سيء 1 : سيئ جداً واخيراً عطلتي الصيفية بدأت !!!! أضيفت بتاريخ 06-27-2010 الساعة 03:23 AM بواسطة Tinkerbell تم تحديثها بتاريخ 06-27-2010 في 03:28 AM بواسطة Tinkerbell يالللللله مو مصدقة واخييييييراً بدأت عطلتي !!! الحمدالله يارب عن جد كانت سنة طويلة وصعبة .. في الجامعة كل يوم ازفت من الثاني .. الحين خلصت سنتين ونص دراسة ولحد الآن عجزت اتقبلها او اتأقلم فيها احس انه ايام الجامعة المفروض تكون من احلى الايام في حياة الانسان لأنه فيها يستقل ويكون شخصيته الحقيقية و يحدد اتجاهاته لحياته المستقبلية .. اما انا بالنسبة لي صراحة جحيم شعور مو حلو كل يوم اصحى الصباح وانا عارفة اني انسانة متخبطة بلا هدف او طموح , لأني عارفة انه انا في مكان غلط ولا انتمي له قبل ما ادخل الجامعة كنت محددة اتجاهي وكنت مؤمنة انه بامكاني اني اتخصص بشيء في نطاق ميولي وهواياتي حتى احترفها و تكون مصدر دخل لي في المستقبل! لأنه هذا التفكير الطبيعي و المتعارف فيه بالمجتمعات كلها واي انسان عاقل بيفكر كذا ! لكن طبعاً هالشي كان مجرد خيال ساذج لأنه لما جيت اسجل بالجامعة مالقيت اي قسم عجبني او حسيته فعلاً ميولي .. لكن فجأة دخلت الجامعة من غير ما احد يسألني انتي تبين الجامعة هذه او لا ؟! و فوق كل هذا من الاساس ما انقبلت في ولا قسم مع انه نسبتي كويسة مرة !!! لما ما انقبلت الوالد كلم احد ودخلني بالغصب هههههههههههههههه وطبعاً ماقدرت اختار القسم بحكم انها واسطة يعني الشغلة بالمنة و كأنها "احمدي ربك انك بتدخلين" .. كان القسم الوحيد مفتوح "رياض أطفال" وانا بصراحة ابدا ابدا ما انفع اكون معلمة اطفال او متخصصة بمجال الطفولة لأن يبيله احد مهيء نفسياً وفكرياً لتقبل الاطفال وكيفية التعامل معهم لأنهم مسؤولية كبيرة .. لأنه الست سنوات الاولى في حياة الطفل هي اهم مرحلة بحيث انه مستقبل الطفل يقوم عليها! وانا بصراحة ماقدر اتحمل هالشي لأنه خارج نطاق قدراتي لأن كل انسان وله حدود معينة .. حسيت انه دخولي للجامعة كان مجرد واجهة اجتماعية او عرف لا أكثر ! لحد الآن ماني قادرة استوعب كيف دخلت وليه انا هنا في هذا المكان !! شيء فعلاً غير منطقي ولا يدخل العقل .. يعني لما اتخرج بعد سنة ونص انشالله ايش بيصير لي ؟ ايش راح اسوي في الشهادة اللي ما استحقها ؟ وين راح اشتغل وانا ماعندي اي خبرة او تخصص معين ؟ شيء فعلاً محبط واحاول مافكر فيه كثير على اي حال اخليكم مع اغنية من ايام الابتدائي ماعرف كيف كنت اسمع لهم بس والله صار عندي عرف اني اسمع الاغنية هذه بداية كل صيف YouTube- Steps Summer of Love أضيفت في ‏غير مصنف المشاهدات 119 التعليقات 6 « السابق     الرئيسية     التالي »

Tinkerbell X s c a p e

التعليقات

1. يووووووو والله حالتكـ صعبة مرة صدق الانسان مهما سوا بحياته ما راح يلاقي الشي اللي يرضي رغباته وعلى قولة المثل تجري الرياح بما لا تشتهي السفن صدق عندنا الواحد يتبهذل بهذلة ايام الدراسة وخصوصا كل ما عدت سنه تزيد نسبة القلق والطموحات والاشياء هذي والله ما ادري وش اقول بس يا حظكـ اتمنى اكون بنفس تخصصك اكون مدرس او معلم اطفال روضة وزي كذا عشقي من يوم اني صغير ومن ناحية الجامعة انا ما فكرت ادخلها ولا ابيها ابدا دخلتها شهر مع واحد من اصحابي يدرس حسيت بجحيم صدق على قولتك الحمدالله اني ما دخلتها <<بطالي اقتباس: على اي حال اخليكم مع اغنية من ايام الابتدائي ماعرف كيف كنت اسمع لهم بس والله صار عندي عرف اني اسمع الاغنية هذه بداية كل صيف الاغنيه هذي كنت اعشقها عشق مو طبيعي ذكرتيني باللذي مضى

   أضيفت بتاريخ 06-27-2010 الساعة 08:02 AM بواسطة V O G U E

2. 	والله انا امر بنفس اللي تمرين فيه بالضبطط جالس ادرس تخصص ماهو ميولي ابدا وماينفع لشخصيتي (اداره ) وماراح انجح فيه ابدا وحتى درجاتي ضعيفه ولا اتخيل نفسي اتوظف وظيفه زي كدا بس دهلت الجامعه زي مع الناس كنت اتمنى ادرس graphic design بس مافي في السعوديه الا للبنات
   	أضيفت بتاريخ 06-27-2010 الساعة 08:39 AM بواسطة M i c h a e l

3. اقتباس: يا حظكـ اتمنى اكون بنفس تخصصك اكون مدرس او معلم اطفال روضة وزي كذا عشقي من يوم اني صغير هههههههههههههههههههههههههههه تعال الله يخليك انتحل شخصيتي وادرس بدالي مادام تبي تكون معلم اطفال اقتباس: ومن ناحية الجامعة انا ما فكرت ادخلها ولا ابيها ابدا دخلتها شهر مع واحد من اصحابي يدرس حسيت بجحيم صدق على قولتك الحمدالله اني ما دخلتها <<بطالي والله اريح لك صراحة !! مادام مالقيت شي تحس انك تنتمي له احييك على اللي سويته .. انا اتمنى اني اترك الجامعة لكن بصراحة ماعندي الجرأة .. انواع التهزيء اللي بيجيني xD اقتباس: والله انا امر بنفس اللي تمرين فيه بالضبطط جالس ادرس تخصص ماهو ميولي ابدا وماينفع لشخصيتي (اداره ) وماراح انجح فيه ابدا وحتى درجاتي ضعيفه ولا اتخيل نفسي اتوظف وظيفه زي كدا بس دهلت الجامعه زي مع الناس كنت اتمنى ادرس graphic design بس مافي في السعوديه الا للبنات يالله والله حاسة فيك من جد لأنه انا كمان كنت ابي غرافيك ديزاين على الاقل شي احبه وممكن اطلع فيه بشي لأن عندي قابلية للتعلم في هذا المجال انا اللي اعرفه انه موجود في جدة بس .. الرياض مافيها غير دورات اللي تكون من اسبوعين الى شهر وياليتها كويسة ! وطبعاً مستحيل اروح ادرس بجدة بحالي هذا الشيء من المحرمات في المجتمع -___- الله يعينك على الادارة .. مجاله ممل جداً واحس الشغل فيه مو حلو ابداً

   أضيفت بتاريخ 06-27-2010 الساعة 02:26 PM بواسطة Tinkerbell

4. 	مبروووك تينك افتكيتي كان خاطري ادخل Education لكن للأسف الشديد في إكتفاء
   	أضيفت بتاريخ 06-27-2010 الساعة 03:36 PM بواسطة NaйоOτσ

5. صح اتوقع موجود بجده بس في كلية دار الحكمه شوفي انا برضه حاسس ب احساسك يوم تقولي بتتركي الجامعه لاني حسيته من قبل وانا عارف قد ابيش الموضوع مصيري وخطير لا تسوي كذا الا اذا فكرتي مليون مره وعلى فكره تقدري تدرسي غرافيك اونلاين وانتي في بيتك بس مااعتقد انك تضمني وضيفه فيه او انه الشهاده تكون معتمده وحتى لو مادخلتي مو لازم الواحد يعتمد على الجامعه في تعليمه حلو انه الواحد ينمي موهبته بنفسه بس بشرط انك تاخذي الموضوع بجديه ويكون لكي رغبه قويه انك تنمي موهبتك وانتي موهوبه ماشاء الله

   أضيفت بتاريخ 06-27-2010 الساعة 05:07 PM بواسطة M i c h a e l

6. اقتباس: مبروووك تينك افتكيتي كان خاطري ادخل Education لكن للأسف الشديد في إكتفاء كلها اقل من 3 شهور وبرجع للجحيم مره ثانية خسارة والله انه كان في اكتفاء !!! ما قدرتي تحولين مثلا ؟ اقتباس: شوفي انا برضه حاسس ب احساسك يوم تقولي بتتركي الجامعه لاني حسيته من قبل وانا عارف قد ابيش الموضوع مصيري وخطير لا تسوي كذا الا اذا فكرتي مليون مره وعلى فكره تقدري تدرسي غرافيك اونلاين وانتي في بيتك بس مااعتقد انك تضمني وضيفه فيه او انه الشهاده تكون معتمده وحتى لو مادخلتي مو لازم الواحد يعتمد على الجامعه في تعليمه حلو انه الواحد ينمي موهبته بنفسه بس بشرط انك تاخذي الموضوع بجديه ويكون لكي رغبه قويه انك تنمي موهبتك وانتي موهوبه ماشاء الله لا مستحيل اترك الجامعة هذا مو خيار !! ماما وبابا مستحيل يرضون اسحب من الجامعة .. كلها سنة ونص سنتين وانا متخرجة انشالله .. بس اللي مقلقني انه جالسة اضيع عمري بشي مالي خص فيه بالنسبة لجامعات الاونلاين والتعليم عن بعد صعبة .. التواصل شي ضروري بالدراسة انشالله راح احاول اطور من نفسي لكن التطور بيكون بطيء بحكم اني مو متفرغة تماماً .. الدراسة ماخذة كل وقتي حالياً لما اتخرج راح اشوف لي صرفة انشالله لأنه مستحيل ادرس في مدرسة اطفال .. يارب انشالله ما يحدني واشتغل بتخصصي

   أضيفت بتاريخ 06-28-2010 الساعة 02:22 AM بواسطة Tinkerbell