تقييم هذا المقال 5 : ممتاز 4 : جيد 3 : متوسط 2 : سيء 1 : سيئ جداً My Favorite Poster أضيفت بتاريخ 06-30-2010 الساعة 06:37 AM بواسطة H مادونا , اغراض , صور اولاً, كنت كاره الانقطاع عن مدونتي هالاسابيع لاني متعود اضيف لها شبه يومياً بس حاولت اعوض بالمشاركات في المنتدى بما انه من زمان مشاركاتي محدودة لاقسام معينة فقط. ثانياً, من بعد هالانقطاع حبيت احط شي special وايد بالنسبالي, و هو بوستر لمادونا من اروع جولة The Girlie Show - و هالبوستر متعلق فيها بشكل خيالي مش بس لأنها نادرة لكن لأن في قصة وراها. لهاللحظة اذكر اول ما شفتها في مركز برجمان بدبي و انا ياهل, بس ايامها طبعاً لو اتلفظ بكلمة "مادونا" بنربط في بيك أب و بيطرشوني لأقرب اصلاحية - فما قدرت اتجرأ اشتريها بس تمت عالقة في راسي و كنت دايماً اقول يا ريتني قدرت ارجع و اخذها بالدس و بالفعل رجعت بعد اقل من سنة و لقيتها مخلصة. قبل ٩ سنوات تقريباً اتصل بي اعز و اقرب اصدقائي من محل بالعين و قالي لقاها, و هو طبعاً عرفها من كثر ما كنت اكلمه عنها و كنت بموت من الفرحة لان انصدمت انها موجودة في العين بما انه مالها أي اثر بالانترنت و كل معجبين مادونا اللي سألتهم ما يعرفونها! قام سألهم عن السعر عشان يشتريها و قالوا له مش للبيع, حاول بشتى الطرق بس ما في فايدة - انحبطت بس تفاجأت فيه بعد كم يوم جايبلي اياها, سألته كيف خلوك تشتريها؟! قالي ما خلوني, بس سرقتها! الحين كل ما اشوفها اتذكر هالسالفة و بالطبع اتذكر اعز اصدقائي (صار له سنوات يدرس في امريكا) و اتذكر اول يوم شفتها في برجمان و كيف كانت الشغالة تقولي your mama will KILL you - كل هالاشياء تخليها لا تقدر بثمن و اهم بوستر بالكولكشن اللي عندي. أضيفت في ‏من تصويوري , ‏صور مميزة , ‏اراء شخصية المشاهدات 74 التعليقات 4 « السابق     الرئيسية     التالي »

H h o m o s a p i a n

التعليقات

1. 	wooooow صراحة شكلة يسطل والله ما الومك كيف تعلقت فيه اذا بالصور هنا ما شاء الله ياخذ العقل اجل كيف على الطبيعة
   	أضيفت بتاريخ 06-30-2010 الساعة 07:01 AM بواسطة V O G U E

2. 	مادري بشو اعلق والله احس تطلع من عيوني قلوب على السالفة
   	أضيفت بتاريخ 06-30-2010 الساعة 01:33 PM بواسطة Z a c

3. 	يجنننننننننننننننن صراحة اول للأسف ما كان مسموح لنا نعبر عن مشاعرنا خاصة لما يكون متعلق بالفنانين الكبار زي مادونا ومايكل و غيرهم ويمكن انتوا في ايامكم كان التشدد اكثر من جيلي .. سبحان الله بعد كل السنين هذه قدرت تجيبه ! يمكن عشان كان من جد ودك فيه ^^ تتهنى فيه
   	أضيفت بتاريخ 06-30-2010 الساعة 03:57 PM بواسطة Tinkerbell

4. 	فطست من الضحك لما قريت السالفة بصراحة ينسرق و يكون من نصيبك أحسن !! لأن 100% بيكون مصيرة الزبالة لأنهم محتفظين فيه لعانه و عارفين انهم بيتخلصون منه !!! على الأقل أنت بتحافظ عليه ! بس بصراحة عيني عليك باردة ماشالله يجنن
   	أضيفت بتاريخ 07-01-2010 الساعة 02:01 AM بواسطة M A D O N N A