[شرح] كيفية وضع بنر في المدونة ~

CreativeneSs · 07-02-2008, 07:43 PM

.
.

السلام عليكم والرحمه ،،

شحالكم عيال يا عيال السكة ؟؟

وشحال إجازة الصيف وياكم ؟؟

اليوم موضوعي شـرح لكيفية وضع بنر في المدونة ..
لان وايد سألوا، فـ قلت خلني أحط الشرح عسب الكل يستفيد =)

نبدأ بسم الله ..

أول شي طبعا تصممون بنـر العرض 744 أمـا الطول على حسب ما انتوا تبون ..

عقب تسيرون فوق في الصفحة الرئيسية وتختارون " المدونات "

بتفتح صفحة المدونات ،، على ينب بتحصلون قايمة اختاروا " لوحة تحكم المدونة "

عقب بعد بتفتح صفحة ثانية ونفس الشي في قايمة على ينب اختاروا " عنوان ووصف المدونة "

وهاي آخر خطوة .. عند رقم 1. أكتبوا عنوان المدونة يعني شو تبون أسمها ..
اما 2. حطوا رابط البنر كـ صورة عـادية .. واذا ما تبون بنر تقدرون تكتبون أي شي تريدونه ..

وبـس ..

وبجي استوا عندكم بنر لمدوناتكم تعطي شكـل أحلى للزوار ^_^

اتمنى الشرح مفهوم .. وأي حد يبا مساعدة أنا حاظرة =)

~