sooooogeh .. انا ما قدرت اطلع غير كلمتين !! ما شاء الله عليج

الظاهر انج ماهرة في تحليل الشخصيات

توني دخلت الموضوع و شفت ان الاغلبية تقريباً ردوا ما عدا بياتش اللي ما يبغي يشارك بالموضوع...في اشياء كثيرة صح, انا بالفعل واثق من نفسي و الحمدلله ربي عطاني القدرة في تمييز الصح من الغلط من صغري و انا من النوع اللي مخي دايماً شغال و دايماً يبحث في كل مكان يعني يهمني اكتسب معلومات من مليون مصدر و كل هذا يضيف لي و لتفكيري. اول شي برد على أطول ردين و كلهم لقوت و بصراحة استغربت من بعض كلامها لأن شكلها تكتم انتقادات واسعة و اتمنى في المستقبل يوم يكون عندها انتقاد تحطه بوقته لان على حد كلامها عندها كلام اكثر ...المهم...

لو شخص كاتب خبر اول شي بسويه ببحث عن القصة و بقرا عنها بالتفصيل و بعدييييييييين برد عالموضوع و لو اكتشفت ان القصة كاذبة او فيها معلومات مش صحيحة بالطبع لي الحق اني اصححها---- هالاشياء يسمونها تصحيح (((((حقائق))))) - facts - و الحقائق مالها دخل باراء الناس فلا تخلطين الموضوعين.

اول مرة اسمع اذا شخص ما كان عنده دكتوراه في السياسة مثلاً لازم ما يتكلم في هالمجال و لا يصحح لغيره في حال انعرض كلام سياسي خاطئ...مادري من وين جايبة هالنظرية, يا ريت تنورينا اكثر لأن دايماً اشوفج تتكلمين بتعمق عن اليابان بس ما احيد انهم عينوج مرشدة سياحية في طوكيو فهذا بعد مش تخصصج و لا مجالج....

99% من اعضاء المنتديات يتناقلون اخبارهم من المنتديات و من الايميلات, بينما انا متعود ابحث في مواقع الجزيرة و الـCNN و الـBBC و الاخبار المحلية و كلها مصادر اخبارية موثوقة و غير هذا عندي اصدقاء من جميع البلدان (مصر, لبنان, السعودية, فرنسا, الصين, النرويج, امريكا) و دايماً اتناقش معاهم بدون حدود و لهالسبب تفكيري مش مقتصر على المحيط اللي انا عايش فيه و بكل تأكيد بما ان هالمنتدى من مسؤوليتي فدايماً المعلومات الغلط بصححها لان يهمني ان الاعضاء تكون عندهم معلومات صحيحة عشان الكل يستفيد و اذا شايفة هالشي غلط فاسمحيلي انا ما فتحت السكة بس حق "يسلمووووووا" و "اريغاتوووو"....

مسوي جريمة و خايف تنفضح مثلاً؟ هذي بعد نظرية خاطئة, انا ما عذبت اهلي في تربيتي و ما عشت حياتي اشرد منهم او خايف او او او...طول حياتي صريح و عايش حياتي مثل الكتاب المفتوح و ما عندي شي اخاف منه حتى لو كان غلط اسويه جدام الناس احسن من وراهم...بس من الواضح انتي من النوع الكتوم وايد و لهالسبب ما تقدرين تتفهمين الصراحة الزايدة.

هذا الشي الثاني اللي ما عجبني لأن هذا كلام وهمي بحت...ماله صلة نهائياً في طريقة حياتي و لا بأي من الأشياء اللي ذكرتها خارج او داخل المنتدى, مثلاً تضييع وقت اثناء الشغل مثل شرب القهوة و سمع الاغاني - اولاً ما اشرب قهوة (عندي حساسية) و ثانياً اشتغل بالثلاث ايام متواصلة اذا عندي امتحانات و شغل متصادفين بنفس الوقت و حتى من كثر ما اعطي وقتي لشغلي و لدراستي صار عندي insomnia و حالة قلق دائمة - و بخصوص المناسبات و ضغط الاهل, صح انا ما احب المناسبات الرسمية مثل العزايم لكن ما عندي اي اهل يضغطون علي و بالعكس اهلي مسافرين طول السنة و السنوات الاخيرة عايش تقريباً بروحي مع اخوي.

عمداً يوم اكون منفعل احب ابين اني منفعل قد ما اقدر مع انه سهل جداً امثل و ألعب دور البارد بس لحسن الحظ اكره شي عندي التمثيل و التصنع

برنسيس و بيور:

صح انا في الجد وااايد رسمي و اخذ كل شي seriously و ساعات اكون هادي طول اليوم بس منشغل باللي اسويه و اليوم الثاني الغرفة ينقلب مهرجان و حشرة...يعني مب ثابت على شي واحد و اتأثر وايد بالناس اللي وياية بعد!

نانوتو:

انا وايد احب اتناقش ويا الناس و اخذ و اعطي و خصوصاً مع الناس اللي من البلدان الثانية لأن اكتشف اشياء يديدة اكثر و هالشي يخليني الاحظ وايد اشياء بينا و بين بعضنا ما نلاحظها لكن اللي من البلدان الثانية يلاحظونها فينا..

مشكورين على ردودكم و يلا نشوف منو بعدي!

احس انك ما اتحب اتم على اربيع واحد ,, اتحب التغيير واحسك مب قد مسؤولية بيت وعيال لانك ماتتحمل الحشره واحسك عصبي ومزاااااجي(( نمبر ون ))

كلامج صح ما حب ازعاج اليهال بالمرة - احب اليهال الهاديين بس هذا شبه مستحيل لووول

و صح عصبي بس طويل بال و هادي بنفس الوقت, اذا حد غلط مرة اسكت لكن مرتين ما يسلم مني.

المهم اختاروا حد ثاني الحين و لازم يكون حد موجود في المنتدى يعني ما يصير تقولون مس ديفيل.

شكلك زهقت خخخخخخخخ


اوكيه يالله مس ديفل ,, لكن مس ديفل ما اتحدر هالايام عشان العمال والوايرات والعفسه .............

لااا هو يقول ما يصير نختارها لانها مب موجوده

يقول ما يصير تقولون مس ديفل

خخخخخخخ

و انتي تقولين اوكي مس ديفل بس ما تحدر

خخخخخخ

حلوة منج

طيب ياريت لو تخلوني انا


ابا اشوف شو تقولون عني





يالله حللوا شخصيتي

اممم

عن معرفتي انج طيوبه حبوبه اتحبين اتساعدين غيرج وتهتمين فيهم ..


اممم خلاص باقي الاعضاء خل يكملون .. (افساح المجال للغير )

بحط رأيي دغري لاني مشغوله جدا ><"

صراحه استغربت من ردت فعلك .. وكيف توصلت لهنتيجه !! << يعني أنا بوااادي وأنت بالمريييييخ
بقولك كيف مفهومي .. انا من خلال الردود وكلام والنقاش انتبه لنقاط واقول ايه هو عنده هالصفه او هالطبع بس مافي داعي اقوله لان الموضوع يتكلم عن اشياء ثانيه يعني تخيل بكل موضوع بنط واقول ((انت عندك هالطبع لازم تغيره)) ..طبعا تعرف اني اكره هالطريقه ! .. لكن هالموضوع صار المجال مفتوح وانو نطلع كل شي ملاحظينه على بعض .. فأنا حاولت اجمع الاشياء اللي انتبهت لها وحطيتها بس ! والكلام الاكثر على قولتي هو مجرد اشياء كنت ملاحظتها من خلال كلامك يمكن نسيتها اذا تذكرتها بقولها بس ....

والاهم انو انا خلال هالموضوع مو ((انتقدك او اقولك صفات تقهرني)) فيك وكاتمتها بنفسي بالعكس الموضوع مجرد توضيح لصفاتك الإيجابيه والسلبيه لا اقل ولا اكثر(واصلا كله مجرد تخمين مدري النتيجه صح ولا خطأ !) .. واعتقد من طريقه كلامي وتصرفاتي معك بالمنتدى كلها تبين اني مو ضدك او حاقده او شي من هالقبيل !
وانا ما جيت احاكمك على تصرفاتك .. يعني اعتقد انو مافي داعي اغير طريقتي او اكون صريحه اكثر في المستقبل على قولتك او ابدا ارمي انتقادتي بكل موضوع ! < أنا أصلا طبيعيه كذا !!

انا قلت هالكلام كمقدمه للي بقوله بعدها.. لاني ما ادري شلون تتوصل لرايك اصلا .. يعني بمجرد كتابتك رأيك للموضوع فإنك فكرت فيه .. اهم شي الرأي اللي توصلت له ..وانا مااتكلم عن طريقه توصلك للفكره انا قصدي عن طريقه عرض ردودك في المنتدى وهذا اللي نشوفه قدامنا .. صحيح انا ماكملت كلامي بعدها .. لكن بالسطر الثاني قلت
وهذا قصدي من الكلام الاول .. يعني حتى لو كلامك صح حاول تعرضه وتقول رائيك وتضيف معلوماتك اللي جمعتها بطريقه سلسه عشان يكون النقاش بالموضوع عن رأيك بالاضافه إلى المعلومات بس هذا القصد ..ليش فسرته كأني اهاجم رأيك ؟؟ بالعكس شي نادر انو نلقى احد يتأكد من معلوماته قبل ما يحطها .. واكرر انا اقولك عن طريقتك بالردود وهي اللي قدامنا بس ..

اتمنى تكون فهمتني لانو حسيت كلامي اخذ محاور اخرى انا ما قصدتها اصلا ولا فكرت فيها حتى !!

النقاط الباقيه كانت مجرد ((احتملات)) وانا قلت انو هي يمكن تكون صح او خطأ وانا ما اقدر اتناقش معك فيها لانه ما عشت معك حياتك اليوميه ..
لكن بنبه على نقطه انت فاهمها غلط وبقوه بعد .. !!!!!

ليش فكرت انها تكون جريمه ؟؟؟؟؟ او انو شي غلط بتغبيه او تسكت عنه؟؟ << يعني لازم الي يغبى يكوون غلط ؟؟ ليش يعني مستحيل يكون صح ؟؟ أو حلم أو أمنيه .. أو طمووووح << وهذا قصدي أصلا ...
عادي الناس تسكت عن اشياء عاديه لاسباب مختلفة جداااااا .. وانا شفت ناس من الحياه يغبون اشياء (ومو شرط افعال) ممكن تكون افكار بس .. لاسباب غريبه .. يمكن لانه يستمتعون بالتفكير فيها اكثر من انهم يتكلمون فيها .. او يحسون الكلام فيها بدون فايده عشان كذا يكرهون يتكلمون فيها... لا تبعد بافكارك شو جرائم او خوف .. اصلا الخوف والتكتم اشياء بعيده جدا عن شخصيتك والكل واضح عندهم هالشي يعني بالمنطق اكيد ما اقصد هالاشياء .. لكن قلت لك قصدي كأفكار او طموحااااات ..
وبالنسبه لي اذا كنت صريحه ولا لا ماراح اتناقش بهالسالفه الحين لان محور الحديث مايدور حولي .. لكن اذا جاء دوري واذا كنت حاب تستفسر اكتب عن صراحتي وانا بقولك كل شي في ذاك الوقت 


حسوسه حبيبتي برجع لك لكن مدري متى ان شاء الله اقدر .. ^^

واااااااااااااااابويه انا

قوت الكلام اللي رديت عليه كان مع الـquote يعني ما جبت شي من عندي و بخصوص (الجريمة) فهذي كانت مزحة و وراها smiley و بعدها جاوبت على الملاحظة.

ايوة اذا في كلام انا كتبته و انتي شايفه انه مش من مجالي و شاكة فيه قولي وقتها عشان احط لج المصدر و اقطع الشك بدل ما تسكتين و بعد سنة تقوليلي لا تتكلم في اشياء ما تفهم فيها.

لا هذا ما كان محور كلامج, انتي كاتبة بالحرف: مايصلح تتكلم عن شي بشكل واثق وهو مو من تخصصك ولا من مجالك و هذا فيه استهانة و تقليل من مصداقية الردود اللي احطها حتى لو ما كنتي متعمدة هالمعنى فالجملة واضحة و ما يبالها عبقري يفسرها. بعدين انا وايد اضيف ارائي بجانب المعلومات لكن ارائي صريحة و direct, و النقاش المباشر و الصريح شي ايجابي مش سلبي مثل ما انتي متصورة و بالنهاية نحن فاتحين السكة للصراحة و الوضوح المعدومين بالمنتديات الثانية فطلبج اني اخفف من حدة صراحتي و اكتب على حساب المجاملات مش بمكانه.

و اتمنى تكونين عارفة ان الواحد غلط يحكم عالناس بناءاً على احتمالات.

دورج بعد حسوسة

على فكرة قوت يا ريت تبعثيلي عالخاص لو حابة تكملين السالفة لان الحين دور حسوسة...

- - - - - - - - - - - - - - - - - - - - - - - -

حسوسة....بصراحة اول شي بقول سر.

اول ما فتحنا انا و بياتش و ديفيل السكة , قلت حق ديفيل ازقري صديقتج حسوسة و قالت لي "لا حسوسة لو تدخل ما بتقعد وايد لانها ما تحب المنتديات" و بعدين هيه من نفسها عزمتج بس انا حطيت هالفكرة في راسي, يعني قلت كلها اسبوع و بتطلع...مر شهر و شهرين و ثلاث و الحين استويتي ثاني او ثالث اكثر وحدة تشارك في المنتدى!!

هالشي خلاني اكتشف انج غامضة و تفاجئين الناس بشي ما يتوقعونه منج و يمكن اكون غلطان بهالنظرية بس هذا اللي حسيته من التجربة اللي ذكرتها فوق بالتحديد.

غير هذا, انتي طيبة وايد و الطيبة صفة حلوة بس احياناً طيبتج تكون زايدة عن اللزوم - بمعنى انج من كثر ما انتي طيبة احياناً تشوفين اشياء ما تعيبج و تسكتين عنها مش من باب الخوف لكن لأنج ما تبغين مشاكل - بس اكتشفت انه لو طالت فترة سكوتج على الغلط توصل معاج مرحلة تنفجرين فيها و تقولين كل اللي عندج. طبعاً انا اتكلم عن موقف اكيد تذكرينه

بس نصيحتي لج يا حسوس - يوم في شي ما تحبينه او مش مرتاحة منه واجهيه بوقته, لا تخلين طيبتج تتغلب عليج في هالمواقف و لا تقعدين زعلانة و حاطة شي بخاطرج و تسكتين - قولي اللي يضايقج مباشرة في وقته لأن اذكر يوم خذتي موقف منا نحن ما كنا عارفين انج حتى زعلانة و يوم انفجرتي و وضحنا كل شي طلع مجرد سوء تفاهم, لهالسبب هذي نصيحتي لج.

غير هذا كل صفاتج حسب ما شفنا بالمنتدى ايجابية و حلو انج من النوع اللي يتمسك بالشي و يتحمس له يعني مثل قسم الفوتوشوب ابتدا من ولا شي و الحين صار مرجع للأعضاء من كثر ما تمسكتي و اجتهدتي فيه