الفيلم اللي حطيتيه احس بيعيب عمتية وايد, تموت على هالنوعية من الافلام بس انا عندي عقدة من اشوف هندي يرقص في ديسكو و اونه مع انجليزيات خلاص ما اقدر اكمله...
و هالشي استوى وياي امس على فكرة, اجرت هالفيلم:
اونهم عايشين في new york و يا الله مثقل دمهم يوم اونهم يسوون عمارهم هم شيوخ new york و الانجليز يشتغلون تحتهم و من كثر ما كان دمهم في الفيلم ثقييييل ما قدرت اكمله, شفت 35 دقيقة بس و عقب سكرته لان ما اطيقهم يوم يسوون هالحركات!! كل شوية اونه الولد يقول لأبوه "dude" و الابو (اميتاب) مغازلجي و المغازل اونه المفروض يضحك بس من كثر ما هو ثقيل يصيح - يعني هالفيلم بصراحة كان كابوس و زين اني ما كملته, للأسف دعايته كانت تخدع.
--------------------------------------
المهم, غير الفيلم اللي فوق شفت فيلم ثاني لكن هذا يجنن!!!!!!!!!!!!!!!!!
الساحرة لو ما شفتيه ارجوج جربي تأجرينه باسرع وقت لانه فظيع و فيه قصة قصة مب اي كلام, اسمه Life In A... Metro
الفيلم من كثر ما هو روعة ما كنت ابغي ارجعه عالفيديو
و اللي في الفيلم هنود متحضرين و Modern بس ما يتصنعون و طبيعيين وااايد في تمثيلهم
لدرجة ان الممثلة Shelpa فازت على دورها جوايز و سووله افتتاح في دبي و في لندن
مشرف عام
مشــــرف
)
العرض العادي
